50-Toshkent saylov okrugidan Oliy Majlis Qonunchilik palatasi deputatligiga nomzod Islamov Sohib Yaxshibekovich 1980 -yilda Jizzax viloyati, Forish tumanida tug‘ilgan. Millati o‘zbek. Ma’lumoti - oliy. 2001 -yilda Andijon qishloq xo‘jalik institutini, 2003 -yilda Toshkent davlat agrar universitetini tamomlagan. Mutaxassisligi – Meva va sabzavot mahsulotlarini yetishtirish, saqlash va ularni dastlabki qayta ishlash texnologiyasi. O‘zbekiston Ekologik partiyasi a’zosi. Oilali. Uch nafar farzandi bor. Mehnat faoliyatini 2003 -yil Toshkent davlat agrar universiteti «Qishloq xo‘jaligi mahsulotlarni tayyorlash, saqlash va qayta ishlashni tashkil etish» kafedrasi assistenti vazifasidan boshlagan. 2008 -2011 -yillarda Toshkent davlat agrar universiteti «Qishloq xo‘jaligi mahsulotlarni tayyorlash, saqlash va qayta ishlashni tashkil etish» kafedrasi katta o‘qituvchisi, 2011 -2022-yillarda kafedra dotsent vazifasini bajaruvchi, kafedra mudiri, universitet o‘quv uslubiy boshqarma boshlig‘i, universitet o‘quv ishlari bo‘yicha prorektori vazifalarida faoliyat yuritgan. 2022 -yildan Toshkent davlat agrar universitetining Yoshlar masalalari va ma’naviy - ma’rifiy ishlar bo‘yicha birinchi prorektori lavozimida ishl ab kelmoqda. Dasturining asosiy yo‘nalishlari: − jamoat transportini elektrobuslar hisobidan rivojlantirish; − 2030 -yilga qadar yirik shaharlarda yoʻlovchilarning velosipedda harakatlanish ulushini 20 foizga yetkazish; − Toshkent shahri va viloyatlar markazlarida jamoat transportidan doimiy foydalanuvchi shaxslar uchun yoʻl haqini arzonlashtirib borish tizimini bosqichma -bosqich yoʻlga qoʻyish; − 10 yoshdan katta daraxtlarni koʻchirib oʻtkazishni taqiqlash; − tuman (shahar)larning bosh rejasi tasdiqlanmagunga qadar qurilish ishlarini toʻxtatib turish; − malakali yuridik yordam va xizmat koʻrsatish sifatini oshirish, ekolog - huquqshunos kadrlar tayyorlash tizimini yoʻlga qoʻyish; − seysmik holatlarni hisobga olib, koʻp qavatli uylar va ijtimoiy soha obyektlarini qurish talablarini kuchaytirish; − fuqarolarni ekologik huquqbuzarliklar haqida xabar berganlik uchun ragʻbatlantirish tizimini yanada kengaytirish; − ekologiya sohasidagi huquqbuzarliklar uchun jarimalarni qayta koʻrib chiqish va ularning miqdorini oshirish; − sintetik goʻsht kabi oziq -ovqat mahsulotini ishlab chiqarish va sotishga qarshi kurashish.